الرئيسيةس .و .جبحـثالتسجيلدخول

شاطر | 
 

 محدش عايز له بلطجى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر/عطيه الخضرى

avatar

الجنس : ذكر
العمل : مدرس اول لغه انجليزيه
الاقامة : قلين
عدد المساهمات : 111

مُساهمةموضوع: محدش عايز له بلطجى   السبت يونيو 25, 2011 7:25 pm

الجرايد كل يوم
تقول تهول
وتقول الى عمره متقول
تقول والمقالات تكتر تطول
واللى مخدش باله
تجيب له من الاول
ولو مش لاقيه خبر
على عرض الناس بتتسول
اخر خبر
البلطجى يوميته
خمس تلاف
فالناس تخاف
والبلطجيه يكتروا
ويكسبوا
فلوس وجات من غير ما يتعبوا
يادوبك ييادبوا
يا يضربوا
طاب قوللى بالله عليك
اشتغل لى بلطجى
كده قد شهر
ابنى لى بيت واحوش مهر
ويلعب ف ايدى الزهر
واعدى خط الفقر
واعدى سور القهر
طيب ازاى اقدم حد يعرف
جاوبونى من غير ما حد يقرف
ايه اللى مطلوب يا يرى
مطوه وسنجه
ولا مطلوب السطور
مطلوب مشاعر ميته
ولا مطلوب طور
مطلوب اموت حد
ولا يادوبك كسور
حد فاهم اى شىء بين السطور
خلاص والله دمى خلاص بيفور
ودماغى بقه بيدور
لا انا باين حزين
ولا باين مسرور
طاب القبول فيها بالكفاءه
ولا واسطه
مترد يا اسطه
لجل كل شىء يكون اليسطه
يا ترى هنام فى فندق
ولا فى الشارع على بسطه
طيب هيكون لنا تامين
وكمان نقابه
ولا شغلانه ديابه
والركوب فوق الغلابه
ولا ناكل بعضنا
زى التعالب وسط غابه
محدش عايز له بلطجى
بس الدفع يكون مقدم
والمرتب خمس تلاف
والزياده للاقدم
ولما ياكلوا حقنا
نعمل مظاهره
زيهم كدا زينا
وتبقى الحياه متلونه
ونسوق كمان فى المسكنه
نطلب علاه فى كل شهر
وصوتنا يعلى ف كل الامكنه
او نعملوا لنا وزاره
ويكون لنا عضو
يجيب حقنا
وعجبى
---------------------
عطيه الخضرى
---------
قلين / كفر الشيخ
الرجوع الى أعلى الصفحة اذهب الى الأسفل
 
محدش عايز له بلطجى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مركز قلين :: القسم الثقافى ::   :: الأدب والشعر-
انتقل الى: