الرئيسيةس .و .جبحـثالتسجيلدخول

شاطر | 
 

 سـألنى صاحبى ايه يا ترى الاخبار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر/عطيه الخضرى

avatar

الجنس : ذكر
العمل : مدرس اول لغه انجليزيه
الاقامة : قلين
عدد المساهمات : 111

مُساهمةموضوع: سـألنى صاحبى ايه يا ترى الاخبار    الثلاثاء يوليو 05, 2011 7:03 pm

سـألنى صاحبى
ايه يا ترى الاخبار

شوف يا عم
البقره السمينه لبنها بار
وحتى ميه النهر
اللى كانت بتشربها
مليان سم ومرار
معدش لاكلها برسيم
ولا عاد دنيبه
ولا حتى عود خضار
حتى الاراضى الخضرا
اتحولت لونها لصفار

-والحراميه الكبار -
---اصغر ما فيهم طار
----والبلد فى الضلمه
تستنى يطلع نهار
---والصدمه فى بيوتنا
جوه قلوب الصغار -
--والكلب صبح له قيمه
والبغل وحتى الحمار
- وصبح له قيمه الفار -
--الهم راح
وهم لسه فاضل مدوخ الافكار
--ياترى اللى فاضلين دول من الاخيار
---ولا الكوسه هياهه الخيار --
-من بعد ثوره يناير
ايه ياترى اللى صار
- الحال هو هو
ومفيه نتيجه وطال الانتظار -
--وابن مصر البسيط
قرب خلاص ينهار
---قال الموظف والمؤقت
معاهم الاعذار -
-- واما اللى تحت الخط
رخيص ملوش اسعار
-- واللى مش لاقى يموت
ويموت معاه العار
-يارب يسرها
وافتح لنا الاسرار -
يارب يسرها
نقدر على مرارها
ونحمى ثوارها
قدرنا يا قادر
على امنها واعمارها
رتب ليها افكارها
ورجع بلد المعز
عزيزه على دارها
صبر عيالها عليها
وعلى عيالها صبرها
يا صاحب القدره
يارب قدرها
تطرح بذور الامل
فى قلب ازهارها
وخد لها يارب
الحق من فجارها
يارب تنتقم من اللى فجرها
يارب فوضنا الامرليك
تعزها وتنصرها
وتنتقم يارب
من اللى كسرها
واللى هدم يارب اسوارها
واللى سرق
عقدها وسوارها
ورينا فيهم يوم
رجع لها سرورها
يارب تنتقم من حسنى
ومراته وغرورها
واخسف بعز الارض
وعصابته وفجورها
الرجوع الى أعلى الصفحة اذهب الى الأسفل
 
سـألنى صاحبى ايه يا ترى الاخبار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مركز قلين :: القسم الثقافى ::   :: الأدب والشعر-
انتقل الى: