يا خلق هوووووه خلاص ارحموها
كفايه كل يوم كنتو بتسرقوها
يا خلق هووووه ليه عايزين تحرقوها
ليه عايزين تخربوها
ليه متفكروش تعمروها
حرام ياناس هتموتوها
امكم مريضه حاولوا تسعفوها
خدوا بايدها
على رجلها وقفوها
امكم ع الارض قوموها
امكم عريانه استروها
ارفعوا راس امكم عزوها
دى اخرتها بعد ما طلقتوها
عايزين يا اولادها تزلوها
امكم حامل بحلم العمر
ليه عايزين تسقطوها
فوقوا بقه وارحموها