من قلب مصر
الى كل شهيد
حبيبى يا ابنى مشتقالك
يا للى ضحيت بنفسك ومالك
ياللى بعت الدنيا عشانى وفت عيالك
والله يا بنى مشتقالك
لكنى برضه فرحانه لك
انته عند ربك حى هنيالك
متقلقش يا بنى
كلنا اب لعيالك
كلنا عمك وخالك
مش هننسى تضحياتك
مش هننسى انك وهبت عشان نعيش حياتك
انكرت ذاتك
كلنا عارفين يا غالى
ان الشهاده كانت احب امنياتك
جميلك جوه قلبى يا ابنى
رافعه راسى من ثباتك
دمك مرحش هدر
واقسم بربى يابنى لدفعه لكل من غدر
دمك كان وقود ثورتى
دمك صنع لى قدر
دمك فوقنى يا ابنى
من بعد طول الخدر
رجع لامك حلمها من بعد طول الكدر
انت الشهيد يا ابنى
واللى زيك ندر
بحلف بدمك اللى رجع لى النضر
لانتقم من كل اللى لدمك هدر
ودا اخر قرارى عشانك صدر
السبت أبريل 30, 2011 5:35 pm