الرئيسيةس .و .جبحـثالتسجيلدخول

شاطر | 
 

 قدامنا لسه كتير لازم نعمله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر/عطيه الخضرى

avatar

الجنس : ذكر
العمل : مدرس اول لغه انجليزيه
الاقامة : قلين
عدد المساهمات : 111

مُساهمةموضوع: قدامنا لسه كتير لازم نعمله   السبت أبريل 30, 2011 5:37 pm

قدامنا لسه كتير لازم نعمله
وحلمنا لازم نكمله
مهما كان صغير
مش لازم نهمله
اى صعب عنيد
لابد نسهله
اى خطا هنعد له
ومعدش ظلم تانى هنتحمله
أي خير للناس لابد نعجله
وكل حلم صغير
نشده ونستعجله
مشوارنا لسه ف اوله
كل واحد ايده ف ايد اخوه
يحوطه ويظلله
واى فساد يا نزيله يا نقلله
مستقبلنا فارد ذراعه
يالا بسرعه نمد له
اى شيطان نمسكه هنبهدله
واى مخطىء ف حقنا
لابد له
من عقاب ينحط له
اى مقصر لازم نساله
واللى يعمل خير فى اهله
عمرنا ما نجهله
الحرام نقول حرام
ولا عمرنا هنحلله
سنين بناكل ف الفتات
عايشين حياتنا من سكات
عايشين بنشرب مشكلات
عايشين عابيدهم وهم السادات
رجعوا لنا المليارات
وفروا لنا الحاجات والمحتاجات
عايزين شقق مش فلل ولا عمارات
عايزين وظايف
للولاد وللبنات
عايزين كرامه لكل واحد
من غير وساطه ولا محسوبيات
عايزين كرامه للوطن حق وحقيق
مش يفط ولا شعارات
رجعوا لنا كل شىء وننسى اللى فات
رجعوا فلوسنا يا ولاد الذوات
معدش ينفع معانا بلطجيه ولا فتوات
عايزين مرتبات كريمه
مش منح ولا علاوات
احنا اصحاب البلد
احنا اللى اسمنا البشوات
احرار ولاد احرار
محنش ولاد نزوات
اللى غلط يتحاسب
لو حتى كات هفوات
واللى قتل ينقل
لو حتى م الاخوات
الظلم ايه اخرته
غير ندم وعياط
المارد خلاص قام م السبات
عايزين نغير الاساس
مش نبدل ف حكومات
عايزين وزراء وسط الشوارع
مش فى مكاتب بمكيفات
بندعى ربنا رافع السموات
اللهم استجب صادق الدعوات
واجعل اللهم كيدهم فى نحرهم
اللهم فرق جمعهم ومزق الشتات
واحفظ لنا مصر
عزيزه فوق العزيزات
واجعلها امنا امانا فى مجمل الاوقات

الرجوع الى أعلى الصفحة اذهب الى الأسفل
 
قدامنا لسه كتير لازم نعمله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مركز قلين :: القسم الثقافى ::   :: الأدب والشعر-
انتقل الى: