الرئيسيةس .و .جبحـثالتسجيلدخول

شاطر | 
 

 كانوا مسعورين عواجيز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر/عطيه الخضرى

avatar

الجنس : ذكر
العمل : مدرس اول لغه انجليزيه
الاقامة : قلين
عدد المساهمات : 111

مُساهمةموضوع: كانوا مسعورين عواجيز   السبت أبريل 30, 2011 5:40 pm

كل واحد فيهم كان يدبر ويخطط ويجيز
كان فيهم نداله وخسه
كل يوم بينكشف مداها لسه
والزعيم الله يلعنه
لابنه كان عاوز يورثها
عديم الدم عمره ما كان يعرف كرامه
ولا شهامه ولا كان فى يوم حاسسها
عاملين جلودنا جزم
حراميهم بيلبسها
مالى خزاينهم دهب
والواطى بيكبسها
كانوا خانقين امنا
كاتمين على انفاسها
عمرهم ما فكروا فيها
ولا راعوا احساسها
ولاعبروا اهلها وناسها
ضربوها على راسها
مسحوا كنوز الخير من قلب كراسها
سرقوا منها الكنوز
ضربوه ع البوز وهربوا ماسها
وكل واحد واطى على راس اهلها داسها
كانوا فاكرين اننا مجرد معيز
كانوا مسعورين عواجيز
كل واحد فيهم كانبيخطط
ويدبر ويجيز
يا اخى خلى عند اهلك دم
يا شيخ اختشى على دمك بقه واتلم
خليتها ليه تضلم
تراب البلد كارهك
وانته مش مهتم
ارحل من بلدنا ياعم
خليت حياتنا سم
كنت ذالل امنا وعامل عزيز
كانوا مسعورين عواجيز
كل واحد فيهم كان يدبر
ويخطط ويجيز
ولما صابت
قاموا بدايه للعب الهابط
جابوا جمالهم
ويا حميرهم
قالوا حنحدد تانى مصيرهم
فتحوا سجونهم
خرج مساجنهم
لجل عيونهم
مسكوا سيوف علشان مساكينهم
مسكوا خناجر ليهم ولغيرهم
كان تفكيرهم
ان الناس يمكن هتخاف
مكنوش فاكرين ان الثوره ناسها نضاف
لاقوا ناس ثابته كما الصفصاف
قالوا هيخافوا ويبقوا لطاف
ملقوش حد اتحرك خاف
لاقوا عفاريت يا خفى الالطاف
لاسيوف بتاثر ولا حتى جمال
دول ناس لجل بلدهم ضحوا باولادهم والمال
ضربوا لكل الدنيا اروعها مثال
30 سنه شايلين احمال30 سنه صامدين وجبال
لكن دلوقت معدش الحال
زى الحال
زهقوا خلاص بعد ما مال
بعد قعاد حسنى ما طال
وبنستحمل
عايزين فرصه لابنه جمال
كان وضع محال
كان شغل عباطه واستهبال
قال الشعب
عمره ما يحصل لو على جتتنا كعوب ونعال
الحق انقال
كانت ثوره باحسن افعال
ضربنا لكل الدنيا مثال
عايزين نتحرر طاب مالكوا
اصل المصرى زى جمالكوا
يفضل يتحمل بس بيعقر
تجيله الفرصه يخلص اعمالكوا
كنا عبيدكوا
من ايدكوا لايدكوا
والله ما شفنا الخير على ايدكوا
كنا بنيدعى رب ياخدكوا
ولاهمنا لعب ومهاميز
كانوا مسعورين عواجيز
كل واحد فيهم كان يخطط ويدبر ويجيز
والحمد لله خلصنا خلاص
من وضع يغيظ

_________________
عطيه خضرى عطيه[i]
الرجوع الى أعلى الصفحة اذهب الى الأسفل
 
كانوا مسعورين عواجيز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مركز قلين :: القسم الثقافى ::   :: الأدب والشعر-
انتقل الى: