الرئيسيةس .و .جبحـثالتسجيلدخول

شاطر | 
 

 عايزين رئيس يخاف ربنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر/عطيه الخضرى

avatar

الجنس : ذكر
العمل : مدرس اول لغه انجليزيه
الاقامة : قلين
عدد المساهمات : 111

مُساهمةموضوع: عايزين رئيس يخاف ربنا   الثلاثاء يونيو 07, 2011 10:35 am

عايزين رئيس يخاف ربنا
يعمل لنا
ويكون دايما بيننا
ويكون منهاجه العينه بينه
عايزين رئيس شغال عندنا
مش كاتم على قلبنا
عايزين رئيس بيحبنا
ميهمش هوه مين
الاهم انه يكون من نبتنا
خبير وفاهم ميبعدش يوم عننا
عايزين رئيس ينزل لنا
مش عايزين فرعون
كلنا عبيد ربنا
عايزين رئيس يفكر لنا
ياخد رأينا
لكل شىء نعوزه يوفر لنا
عايزين رئيس مش بيخمنا
ولايستخف بعقلنا
ولا يضحك على امنا
عايزين رئيس يجدد مساره
مش ريس يسرق
وحتى مش عايز يقول اعتذاره
عايزين نحاسبه لو يوم
قصر فى حقنا
ونمدله فتره واحد
مش نفتح 30 سنه
عايزين رئيس يعرف
قد ايه كان قهرنا
عايزين رئيس يحلى
من بعد القهر مرنا
عايزين رئيس يعمل لخير البلد
مش رئيس يضرنا
عايزين رئيس
ميزلناش ويعرنا
مش عايزين زعيم عصابه
حوالينه شويه نصابه
حوالينه تعالب وديابه
وناس منافقه وكدابه
كفايه اللى مر بنا
عايزين رئيس يكون عارف
قد ايه انتقامنا
من بعد انتقام ربنا
عايزين رئيس يقدم سبت
يلقى حد واثنين وكل ايام السنه
عايزين رئيس خبير سياسه
حياته تكون بعيده عن النجاسه
رئيس نفسه تكون عزيزه وحساسه
مش زعيم عصابه فى سوق النخاسه
ويقدر يحافظ على امننا
عايزين رئيس يصون عرضنا
يكون وسطنا
واحنا بنأدى فرضنا
يحافظ على ارضنا
مش عايزينه يحفر بأيده قبرنا
عايزين رئيس يعوضنا عن صبرنا
عايزين رئيس يبقى فخرنا
نفتخر بيه بين الدول
ونقولوا دا ابننا
عايزين مهندس سياسه
وفلاح وعامل ومصرى زينا
مش حاليه ناس ميته ومعفنه
تبان روايحهم منتنه
عايزين ناس من لحمنا
من دمنا
عايزين رئيس يسكن عقولنا وقلبنا
عايزين رئيس يرجع لينا مصرنا
ويرحم ابونا وامنا
ويرجع كل شىء خدوه مننا
عايزين رئيس يعمر كل شبر
مش يخلى حياتنا حبر
عايزين رئيس
يزرع مصرنا عنبر وتبر
مش رئيس من زجاج وفبر
رئيس ميعرفش الغرور والكبر
ولكل شىء يشرح لنا
عايزين رئيس يوفر وظايف
ويأمن على ارضنا كل مصرى خايف
مش يسخر مننا ويمصمص الشفايف
عايزين رئيس يبنى لنا
يزرع لنا يصنع لنا ويتاجر بالحلال لنا
وايدنا على ايده كلنا
لجل الحياه تزهزه لنا
عايزين رئيس يكون ربيعنا
مش يبيعنا
ويشحتنا ويجوعنا
عايزين رئيس
يخلى لحياتنا معنى
نقول ويسمعنا
ويرد مش يخدعنا
عايزين رئيس
نحطه ف عيوننا
وبين ضلوعنا
عايزين رئيس يسد جوعنا
يقول كل شىء
وبصراحه مش يلوعنا
وبخير بلدنا يمتعنا ويعد قلبنا
واللى مش ق
ادريبعد
احسن له
واحسن لنا
الرجوع الى أعلى الصفحة اذهب الى الأسفل
Admin
Admin
avatar

الجنس : ذكر
العمل : محاسب
الاقامة : مصـــــر
عدد المساهمات : 40

مُساهمةموضوع: رد: عايزين رئيس يخاف ربنا   الثلاثاء يونيو 07, 2011 1:04 pm

مشكور يا استاذ عطية وفعلا احنا عاوزين رئيس يخاف ويراعى ربنا فينا ...
Wink Wink
الرجوع الى أعلى الصفحة اذهب الى الأسفل
http://qallen.hooxs.com
حمدي توفيق السعدني

avatar

الجنس : ذكر
العمل : مدير مدرسه
الاقامة : العريش
عدد المساهمات : 3

مُساهمةموضوع: رد: عايزين رئيس يخاف ربنا   الثلاثاء يونيو 07, 2011 11:55 pm

مشكور يا استاذ عطية
الرجوع الى أعلى الصفحة اذهب الى الأسفل
 
عايزين رئيس يخاف ربنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مركز قلين :: القسم الثقافى ::   :: الأدب والشعر-
انتقل الى: