عطيه الخضرى عطيه
يا نبض قلبى قلها
اشرح لها
فضفض لها
قد ايه بتحبها
وتموت صبابه ف حبها
روح قلها
مين زيها
ولا ف حلاوه زيها
مين قدها
ولا ف جمالها وقدها
ولاتقدر تعوضنى الكنوز
عن بس لمسه يده
او حتى قبله ف خدها
علشان حبيبتى بحبها
واموت صبابه ف ارضها
بعشق طيابه اهلها
بعشق ترابها وضلها
لو مش ابنها
اتمنى ابقه ابنها
انا و بكل فخر منها
شارب من خفه دمها
اموت لو حد ذمها
رغم اللى شايفه منها
رغم اللى سامعه عنها
بحبها
وبكل صدق بحبها
ولا حد يقدر على مهرها
غير كل انسان حبها