انته ليه بتحب مصر
حبى لبلدى اصل الحب واصل المشاعر
حبى لمصر هو اللى يمكن خلانى شاعر
لكنه حب دايما مشتعل ودايما ساعر
حبى شديد قوى واعر
حب لو حاولت مره توصفه
هيكسر القلم او يقصفه
حب من نوع طاهر
اى كلمه خارجه بتكسفه
حب مكلبش فى المشاعر
مايقدرش السلاح الذرى ينسفه
انته ليه بتحب مصر
عشان دى ست كل عصر
عشه وفيلا وبيت وقصر
بحبها فوق التصور وفوق الحصر
وبتمنى لها فى كل موقف نصر
بحبها وبحبها قلبى يتعصر عصر
بحبها عشان دى جنه ربها
عشان حلاوه طبعها
حبها علشان رقه مشاعر فلبها
بحبها
عشان صلابه عزمها
بحبها عشان طهاره يدها
بحبها علشان روعتها وطهرها
بحبها
عشان سماها وارضها
تسالنى عايز ايه منها
ااشوف محدش زيها
يزول الفساد من ارضها
اشوف ريس يكون من نبتها
صادق لها بيحبها
يراعى فيها ربها
بحبها
ولاتقدر تعوضنى الكنوز
عن مشيتى على ارضها
بحبها
هى كده على بعضها
ونفسى كل واحد فينا يحقق حلمها
واللى سرق علشان تسامحه
يرجع كل اللى سرقه منها
حتى عشان يندفن فى ارضها
دى جنه الله يا عالم
وخير اجناد الارض ابنها جندها
علشان كده بحبها
السبت أبريل 30, 2011 5:27 pm
