على بابا لما سرق سرق من حراميه
لكن لصوص السلطه سرقوا رصيد امه مصريه
فاكرينها نايمه مهيش قايمه والنومه ابديه
منهم لله يخلص من عيالهم ويبتليهم بالاذيه
حسبنا الله ونعم الوكيل فى كل من جه على مصر الوليه
الكريمه الابيه اللى يا ما سرقها حراميه
وكات صامده وواقفه قويه
وهتفضل رغم كل شىء دايما عفيه
وادعوا ربنا كلكم يقوينا على ايامنا اللى جايه
يا حبه قلبى يا مه
كانوا بيسرقوكى
ولما انكشف سترهم يا غاليه
حاولو يحرقوكى
دول مش ولادك يا غاليه
اللى بظلمهم خنقوكى
لكن ولادك يا امى
اللى ف ميدان التحرير شرفوكى
هندوق اكيد اطعم بلح
يوم ما يقولوا شعب مصر قام من تانى وفلح
وعلى كل صعب اتمرد بقوه ولح
وبدا المسيره الصح
بعزم ولادها والشغل دح
بعدها يمكن نقول الشعب استرح
وتبقى حياتنا دايما فرح
وناكل بلح
بعد ما يكون طرح
ونعيش حياتنا من بعد الغلب ف مرح
صباح الخير يا روح قلبى
يا واحه راحه يوم غلبى
بموت م الحب لما اسمع
تنادينى يا حبيبتى
واموت م الحسره
لو هملتنى وبقيت سلبى
ساعتها بطلع غلبى ف عيالى
واضرب قطتى وكلبى
هتخسر ايه تقولهالى
عشان يقوى بها صلبى
صباح الخير يا روح قلبى
حبيبى يا عمرى يا غالى
بحبك عايزاك تقولهالى
الام الدنيا تحلالى
واتحمل عذاب الكون ولا ابالى
واشيل ترابك على راسى
واورى السعد لعيالى
بس انته بس قولهالى
السبت أبريل 30, 2011 5:36 pm